وكالات//

رجعات عائلة نوال الدجوي، رئيسة مجلس الأمناء ف جامعة أكتوبر للعلوم والتكنولوجيا المصرية، باش تتصدر مواقع البحث، من بعدما بداو كيتناقلو أخبار على موت حفيدها أحمد شريف الدجوي ف ظروف غامضة.

العائلة ديال السيد لي مات كانت صيفطات بلاغ كيقولو فيه أنهم ما بقاوش قادرين يتواصلو معاه من شي أيام، ومشاو البوليس لدارو ف الجيزة، وفاش وصلو لقاوه ميت ومضروب برصاصة.

البوليس دارو طوق أمني على العمارة، وبدات النيابة المعاينة، وخداو البصمات، وتحفّظو على كاميرات المراقبة اللي كاينة ف المنطقة، باش يبداو يفرّغوهم.

وبداو السلطات كيجمعو المعلومات باش يعرفو شنو وقع بالضبط، واش كاينة شي شبهة جنائية، وخداو الجثة للطب الشرعي باش يحددو سبب وتوقيت الوفاة بدقة.

المثير ف القضية، هو أن هاد الشي جا من بعد أيام قليلة منين نوال الدجوي صيفطات شكاية ضد الحفيد اللي توفى وخوه، كتتهمهم فيها بسرقة فلوس بزاف ومجوهرات من دارها ف أكتوبر. ومن جهتهم، الحفيد اللي مات وخوه كانو حتى هما دارو شكاية ضد بنتي عمتهم، وسط دعاوي قضائية كثيرة بيناتهم على الورث، ف محاكم مدنية، تجارية وشرعية.