سامي العلوي -كود كازا //

فأول تفاعل ديالو على فضيحة فصل الصحرا عن المغرب فخارطة بانت فندوة بجامعة سطات٬ اكد عبد اللطيف مكرم رئيس جامعة الحسن الأول بسطات ل”كود” باللي ما قيل عن استدعاء وزير التعليم العالي ليه اليوم الجمعة 7 فبراير 2025 واجتماعو بيه 10 دقايق “كذوب” وما وقع منو والو.

رئيس الجامعة وضح فاتصال ب”كود” باللي ما تلاقاش اصلا بالوزير. واضاف ل”كود” باللي صباح اليوم الجمعة كان فتممة نفس الندوة فمكتبة مسجد الحسن الثاني فكازا وفالعشية كان عندو نشاط اكاديمي اخر.

وكانت ندوة بدات فجامعة سطات بانت فيها خارطة المغرب بلا صحراؤو. مولات الفعلة اردنية من اصل سوداني. هادي مع جامعيين اخرين كان عرض عليهم رئيس الجامعة.