سعيد الشاوي كود كازا//

حسب ما توصلات بيه “كود” فالتحقيقات اللي كيديرها الفرقة الوطنية للشرطة القضائية من يومين مع مدراء مواقع فكازا عندهم بطاقة الصحافة واخرين٬ وصلات بللي كاينة شبكة وفيها تجبدو قضاة.

هاد الشي كان معروف عند بعض هادوك. غير الواحد يقرا شوية اش يتكتب باش يعرف شي قضاة عندهم علاقة وما عمر لا النيابة العامة لا منظمات فيها هاد القضاة تحركو ولا احتجو. وفق مصادر “كود” كاين اتهام لشي قضاة باللي دارو الوساطة باش يبتز شي وحدين فيهم الضحايا. كاين دابا شي قضاة تجبدو تقول مصادر “كود”

دابا على ما كييان تقول مصادر “كود” شي وحدين باغيين يضمصو هاد الشي باش ما يحققوش مع هاد القضاة ولا شخصيات اخرى تجبدات مع هاد الشبكة.

هاد القضية بدات بعد فخ دار لواحد فيهم وهو صحافي عندو بطاقة الصحافة شدو عندو لفلوس بعد شكاية دارها ملياردير. قصة غاديين نرجعو ليها. الفخ دار نهار لاربعا فالعشية. شدو واحد قال باللي صحافي فطونوبيلتو ومعاه لفلوس. دابا التحقيقات مازال عند الفرقة الوطنية