الرئيسية > تبركيك > قضايا الاغتصاب خرجات على سعد لمجرد.. السواعدة مابغاوهش يغني فبلادهم وهاشتاكَ ضدو منوض حالة ووصفوه ب”المغتصب المقزز”
03/12/2019 11:00 تبركيك

قضايا الاغتصاب خرجات على سعد لمجرد.. السواعدة مابغاوهش يغني فبلادهم وهاشتاكَ ضدو منوض حالة ووصفوه ب”المغتصب المقزز”

قضايا الاغتصاب خرجات على سعد لمجرد.. السواعدة مابغاوهش يغني فبلادهم وهاشتاكَ ضدو منوض حالة ووصفوه ب”المغتصب المقزز”

نجوى المالحي-كود//

فرحة المغني المغربي سعد لمجرد لي قال انه غادي يرجع يغني في الكونصيرات والحفلات ماكملاتش. السواعدة دايرين عليه حملة كبيرة ورافضين أنه يدخل لبلادهم ويغني في العاصمة رياض بعدما قال صاحبو المغني المصري محمد رمضان أن البداية غادي تكون في دبي والسعودية.

البارح هاشتاكَ “#نرفض سعد لمجرد في رياض” كان هو التراند في تويتر وبزاف ديال المغردين قالو أنه مغتصب ومخاصوش يغني في بلادهم، ومن واحد الناحية عندهم الحق، من حد القضاء مازال ماقالش كلمتو ماعند لمجرد مايدير فوق الخشبات.

السعوديين لي نص عمرهم كيدوزوه في تويتر جبدو حتى الفيديو ديال الفرنسية لي اتهمات لمجرد بالاغتصاب هادي 3 سنين وقالو علاش يختار بلادهم، ومنهم اللي وصفو ب”المغتصب المقزز”.

حفل لمجرد مقرر نهار 18 دجنبر مع المغنية اللبنانية مريم فارس وفرقة ميامي. وعلى عكس تويتر في صفحتو 5 الاف تعليق كيرحبو بيه وفرحانين أنه يغني في السعودية وكيسولو امتى غايكون فكازا بحالا مامتابع لا باغتصاب لابتعنيف جنسي لابوالو.

موضوعات أخرى

08/12/2019 18:51

اخنوش من ميلانو: اللي كيسب المؤسسات ما عندوش بلاصتو فالبلاد ولمغاربة اللي ناقصناهم تربية خاصنا نعاودوها ليهم وكلنا موحدين وراء صاحب الجلالة