عمـر المزيـن – مكتب الرباط//

إلى جانب عدد من المسؤولين المحليين بعاصمة الشرق وجدة، غادي يمثل القيادي البارز في صفوف حزب الأصالة والمعاصرة ورئيس الجهة الشرقية، عبد النبي البعيوي، أمام قسم جرائم المالية بمحكمة الاستئناف بمدينة فاس، خلال الأيام المقبلة، على خلفية اختلالات كبيرة عرفاتها صفقات ديال اشغال الطرقات اللي كان خداها هادي مدة من الجماعة الحضرية.

قضاة جطو كان وقفو على بزاف ديال الاختلالات فالإنجاز ديال أشغال طرقات وجدة. حسب ما جاء في تقرير ديال المحتب العمومية للتجارب والدراسات. هاد الملف كان خدا فيه البراءة رئيس الجهة الشرقية إلى جانب عدد من المسؤولين والمقاولين وبينهم الرئيس السابق ديال الجماعة لخضر حدوش اللي بان تالف أمام القضاء خلال الجلسة السابقة.

وحسب مصادر متتبعة لهاد الملف، فإن المرحلة الاستئنافية غادي تكون حاسمة فالكشف على تفاصيل دقيقة من شي صفقات كان استافد منها رئيس الجهة الشرقية اللي عندو شركات ديال الطرقات وشاد بزاف ديال المارشيات على ظهر مؤسسات عمومية ديال الدولة. ديالنا مياخدوه غرينا. العبث وصافي.

يشار إلى أن رئيس الجهة الشرقية يتابع في حالة سراح مقابل كفالة مالية قدرها 30 مليون سنتيم. وهاد الملف ديال اختلالات وجدة كان المجلس الأعلى للحسابات فضحو وتقرر باش يمشي للقضاء. ويتابع فهاد حقاش الشركة ديالو كانت مشاركة فالأشغال ديال التهيئة موضوع جناية اختلاس وتبديد أموال عاصمة الجهة.