كـود : عمـر المزيـن//

في سابقة من نوعها، أقدم عشرات المواطنين بحي بنسودة التابع لنفوذ المنطقة الأمنية الرابعة بفاس، منذ اليومين الماضيين، على شن حملات أمنية على المشرملين وتجار المخدرات، حاملين في أيديهم العصي وجهاز “تالكي والكي”.. الناس ناضو يديرو الخدمة ديال البوليس وكيتصورو وينشرو الصور والفيديوهات ديالهوم على مواقع التواصل الاجتماعي.

بطبيعة الحال هاد العمل اللّي داروه هاد الناس ينطبق على”قضاة الشّارع” اللي معندهوش الحق يديرو هادشي حيتاش راه كاين مؤسسات وهادشي كيسيء بزّاف بزّاف للدولة ككل وكيعاقب عليه القانون المغربي وحتى الهيبة ديال الدولة كتاكل لعصا.

ويلا كاين بصّح انتشار الجريمة راه خاص الناس تعرف المصدر ديالها الحقيقي ماشي دير لخدمة ديال البوليس. صحيح كان تقصير فالسنوات الماضية وكان تقاعس ديال البوليس فالأداء ديال الواجب ديالو والأمور تحسنت شويا لكن المشكل الحقيقي المطروح هو (نقص حاد فالموارد البشرية فالعاصمة العلمية) وهادشي أشارت ليه “كود” فأكثر من مناسبة وخاص مديرية الأمن تشوف شي حل فالقريب العاجل.

في المقابل، قال مصدر من ولاية أمن فاس، ان الوضع في مختف الأحياء التابعة للنفوذ الترابي للمنطقة الأمنية الرابعة بنسودة “تحت السيطرة”، وأضاف أن هناك إجراءات ميدانية تعتمدها ولاية الأمن، من بينها “تدعيم التدخلات الميدانية للوقاية من الجريمة وتعزيز الشعور بالأمن لدى المواطن، فضلاً عن تكثيف الحضور الأمني في الشارع العام، خاصة في مجال زجر الجريمة”.


وأكد المصدر نفسه أن هذه العملات الأمنية المكثفة، التي تُشارك فيها فرق أمنية تنتمي للشرطة القضائية والأمن العمومي وفرقة الدراجين، ويُشرف عليها والي أمن فاس، ستبقى متواصلة في الزمان والمكان في جميع المناطق الأمنية الأربعة.