الرئيسية > تبركيك > قصر باكنكَهام نايضة فيه روينة بعد اتهامات الامير هاري ومراتو ميگان بالعنصرية والكدوب.. الملكة دارت اجتماع مع تشالز ويليام وغيردو على كلشي فبيان
09/03/2021 20:00 تبركيك

قصر باكنكَهام نايضة فيه روينة بعد اتهامات الامير هاري ومراتو ميگان بالعنصرية والكدوب.. الملكة دارت اجتماع مع تشالز ويليام وغيردو على كلشي فبيان

قصر باكنكَهام نايضة فيه روينة بعد اتهامات الامير هاري ومراتو ميگان بالعنصرية والكدوب.. الملكة دارت اجتماع مع تشالز ويليام وغيردو على كلشي فبيان

كود – وكالات//

قصر باكنكَهام نايضة فيه الروينة، من بعد الحوار اللي دار كل من الأمير هاري ومراتو ميكَان ماركل مع الإعلامية أوبرا وينفري، والاتهامات الخطيرة اللي وجهوها للأسرة الملكية فيه.

وعلى هذشي عقدات الملكة إيليزابيث والأمير تشالز والأمير ويليام، لقاء لحل الأزمة، ومن الممكن يصدر بيان على هذشي فالساعات القليلة القادمة، كيف قالت صحيفة “تايمز”.

والقصر غيكون موجد باش يرد على الزوجين، بطريقة ما تخلي الأوضاع تتهدن، ولكن الملكة، فغضون هذشي، ماعطات حتى تصريح، وقالت ل”تايمز” فتصريح مقتضب: “فالليل غتكون النصيحة”.

وفالحوار الترفزياوني، اللي توصف بالتاريخي، قالت ماركل للإعلامية أوبرا وينفري انها ماكانتش كتحصل على المساعدة فاش كتطلبها، وأنها كانت كتفكر فالانتحار.

وكشف الأمير هاري أن باه، الأمير تشارلز، مابقاش كيجاوبو فاش بغى يتخلى على مهامو الملكية.

https://www.rtl.be/people/royautes/reunion-de-crise-a-buckingham-palace-la-reine-refuse-de-signer-une-declaration-en-reponse-a-meghan-et-harry-1284943.aspx

موضوعات أخرى