كود -وكالات//

فـحديقة الحيوانان فسميثسونيان فـواشنطن، تزادت واحد الفيلة صغيرة سميتها “لين ماي” لي طلعات تراند فالسوشيال ميديا، هاد الفيلة من نوع الفيل الآسيوي، تزادت فـ 2 فبراير، ولكن البداية ديالها ما كانتش سهلة، حيث الأم ديالها “ني لين” نفراتها وبيّنات سلوك عدواني معاها، وهاد الشي خلا المسؤولين يفرّقو بيناتهم قبل ما تقتلها.

فبلاصة الأم، دخلات فيلة أخرى سميتها “سوارنا” وتبناتها وخا أنها ما سبقش ليها ولدات. ومع الوقت، بيّنات واحد القدرة فطرية كبيرة فالتربية ديال “لين ماي”، وولات الفيلة كتتبعها وكتتعلّم منها، بعدما كانت فالأول بعيدة ومندافعة، فالبداية كانو المربيين كيرضعوها بالبيبرون، ولكن دابا العلاقة بينها وبين “سوارنا” ولات قوية وكتتطوّر نهار على نهار.

القصة ديال “لين ماي” طلعات تراند فالسوشيال ميديا، والناس تفاعلو معاها، خصوصا أن رفض الأم لولادها فهاد النوع ديال الفيلة الاجتماعية كيبقى قليل بزاف.