الرئيسية > تبركيك > قصة صورة “كود” لبنكيران. تشدات يوم التصويت وفدارو بعد ما دار عملية بسيطة
10/09/2021 10:00 تبركيك

قصة صورة “كود” لبنكيران. تشدات يوم التصويت وفدارو بعد ما دار عملية بسيطة

قصة صورة “كود” لبنكيران. تشدات يوم التصويت وفدارو بعد ما دار عملية بسيطة

كود كازا ///

البارح نشرات “كود” فصفحتها صورة وحدة لعبد الاله بنكيران رئيس الحكومة السابق فدارو. من بعد صحافيين وصحافيات وناس خراين خداو الصورة. قليل شار للمصدر.

https://www.facebook.com/Goudmediaa/photos/a.1297033763671025/6032753113432376/?type=3

هاد الصورة شداتها “كود” مع لطناش ونص فدارو. كان ديك الساعة التصويت خدام وحتى واحد ما كان كيتوقع التسوماني اللي غادية تفرزو صنادق الاقتراع.

بنكيران كان گالس وماد رجليه على الكرسي وكيقرا فالصحف. بانت الصورة زوينة. طبعا تخادت الصورة باذن منو. ما تحركش وبقى كيف كان. “كود” خدات جوج صور ليه ماشي وحدة.

وحدة حادر عينيو والثانية كيشوف فالكاميرا. الهدف من هاد الصورة ديك اللحظة هو انو رجع لدارو بعد عملية بسيطة دارها ليلة الثلاثاء فشي مصحة رباطية. عملية كانت مبرمجة قبل اسابيع وما عندها علاقة بحتى شي حاجة اخرى.

الصور كانت باش تبين وضعيتو الصحية. بعد النتائج الكارثية لحزبو٬ تعطات تفسيرات اخرى للصورة. ما عندها علاقة بيها.

موضوعات أخرى

19/09/2021 22:00

الفراقي المغربية تعرفات على خصومها فالمنافسة الإفريقية.. الوداد والرجاء ضد هاد الفريقين.. والجيش وبركان ف مواجهة مغاربية خالصة