وكالات //

ف قصة حب كتبان بحال شي صفحة من صفحات الروايات، تزوجات امراة شينوية، لي عتقوها وهي طفلة من تحت أنقاض الزلزال للي ضرب ونتشوان، من العسكري للي نقذ حياتها هاذي اكثر من 15 عامًا.

هاد القصة وقعات فمقاطعة هونان، ف الحفل الجماعي السنوي الخامس على طراز هان، اللي تزوجو فيه 37 زوج، حسب صحيفة ساوث تشاينا مورنينغ بوست.

الزوجين، ليانغ تشيبين وليو شيمي، تعرفو على بعض فظروف استثنائية، حيث كان ليانغ، اللي كان عندو 22 عام دك الساعة، جزء من فريق الإنقاذ، وفاش كانت ليو عندها 10 سنين تحاصرات تحت طابق مُنهار فيه الحديد والطوب”.

ليانغ وفريقو بقو كينقبو أربع ساعات حتى قدروا يحرروها وينقلوها للمستشفى باش تاخد العلاج، ومن بعد رجعت ليو وعائلتها لبلدها تشوتشو، هونان.

لسنوات، ليو ما بقاتش كتفتكر غير ذكريات ضبابية على المنقذ ديالها، حتى تعرفو بالصدفة فـ2020 فواحد المطعم فـتشانغشا، منين شافت والدتها الرجل وخلاتها كتسول واش هو الجندي اللي أنقذها.

منين قربت ليو من ليانغ، عرفاتو، وبدات العلاقة ديالهم وكيتواصلو مع بعضهم.

وبسرعة تحولت العلاقة من صداقة لحب حقيقي، حيث قالت ليو: “ما كنحبوش غير من باب الامتنان، ولكن ملي كنقضي الوقت معاه فهمت أنه الشخص اللي نقدر نديّو حياتي ليه”.