كود كازا//

من بعد مقال الجريدة The Australian، كولشي كيهضر على “العلاقة المحتملة” د وزيرة الانتقال الطاقي والتنمية المستدامة ليلى بنعلي واندرو فوريست، الرئيس المدير العام لمجموعة “فورتيسكيو”، الرائدة فمجال الطاقة الخضرا والمعادن والتكنولوجيا، خاصة وان المقال كان مرفوق بتصويرة قالو انها ديال بنعلي وفوريست كيتباوسو ف باريس.

الى كان هادشي بصح، القضية مافيهاش غير علاقة رومانسية، فيها حتى تضارب المصالح وهنا فين المشكل..

وقتاش بدات العلاقة وعلاش كاين تضارب المصلاح؟

باش نفهمو علاقتهم كثر، خاص نرجعو لشهر فبراير من هاد العام، فين كانت الوزيرة استقبلات وفد من “فورتيسكيو” كيترأسو الملياردير الاسترالي فوريست. كانو جاو باش يتباحثو مع بلادنا على فرص الاستثمار والتعاون فمجال الهيدروجين الخضر.

واش علاقتهم (الى كانت بصح) بدات داك الوقت؟ ولا قبل؟ مازال ماعندناش معلومات دقيقة على هادشي.. ولكن عارفين ان فوريست رجع للمغرب فابريل 2024 باش سنا اتفاقية شراكة مهمة مع المجمع الشريف للفوسفاط OCP من أجل توفير الهيدروجين الأخضر والأمونيا الخضراء والأسمدة الخضراء بالمغرب وأوروبا والأسواق الدولية.

شكون هو هاد السيد؟

اندرو فوريست، من الناس المرفحين د هاد العالم، فوربس كتقول ان راس مالو كثر من 19 مليار دولار، وف 2008 كان هو اغنى راجل ف استراليا.

من الباج ديالو ف ويكيبيديا، كنعرفو انه تزاد ف 1961 ف برث ف أستراليا فعائلة كبيرة ومرموقة، اللقب ديالو هو Twiggy، عندو 4 د الولاد ومزوج بمرا سميتها نيكولا موريس هادي كثر من ثلاتين عام، ولكن مفارقين من يوليوز دالعام اللي فات.

حسب ويكيبيديا ، فوريست هو ثاني اغنى راجل ف استراليا، وهو مسيحي عندو علاقات كثيرة فعالم السياسة والبيزنيس والرياضة، وكيدير الخير بزاف.