كود – فاس////

تتواصل التداعيات ديال “التمرة” اللي ادعى المدير العام للشركة “فاس للتهيئة” أنها فاسدة او خاجمة. إذ كشفت المصادر ديال “كود” أن هاد المسؤول سلك خطة باش يدخل لوطيل اللي نعس فيه يومين بشكل متخفي، لكن اليقظة ديال ناس لوطيل فشلات ليه كولشي.

وذكرت مصادر موثوقة، لـ”كود”، باللي هاد السيد اللي خدات ليه شركة اسفار ديال اتحادي من فاس 3 شامبر باش ينعس تما مع مراتو والأم ديالها ودراري حط الطوموبيل ديالو المكان ديال الطوموبيلات، ودخل من لاسانسور وطلع فيه ديريكت للغرفة بلا ميدوز على الريسيبسيون.

وكشفات مصادر “كود” باللي السيد دخل عادي للغرفة لكن مني مشا يدخل “الحمامات” شافوه دايز مع السيدة ومشات السيدة لي خدامة فالريسبسيون سولاتو واش تا هو نازل هنا، وأكد ليها هاد الأمر، لكن طلبو منو البطاقة ديالو الوطنية وهادشي اللي رفضو، لكن أمام إلحاح إدارة لوطيل عاد عطاوهم البطاقة.

ورجعات المصادر باش تأكد أن هاد السيد نعس يومين فهاد لوطيل على نفقة هاد وكالة الأسفار للي فملكية الاتحادي اللي كيرأس مقاطعة فففاس اللي ديما كيجي عندو للرياض ديالو. وفق مصادر “كود” هاد الوكالة دبا خلصات غير 3 غرف ومزال مخلصاتش لعشا والحمام وغيرها اللي دار السيد المدير مع عائلتو.

حسب مصادر “كود” فإن إدارة لوطيل التابع لصندوق الإيداع والتدبير كيوجد لاتخاذ بعض الإجراءات لرد الاعتبار لما تعرضت له بسبب هاد الواقعة، وكلفات محامي من هيئة الرباط باش يبدا الإجراءات، معززة بجميع الوثائق والمعطيات الدقيقة المتوفرة لها.