وكالات//

علن الملياردير الميريكاني بيل غيتس، اللي هو واحد من المؤسسين ديال شركة مايكروسوفت، على خطة طموحة باش يتبرع بجميع ثروتو اللي كتقارب 200 مليار دولار، فالعشرين عام الجايين، وهاد الشي بواسطة المؤسسة الخيرية من هنا لـ 2045.

هاد القرار كيتعتبر من أكبر الالتزامات الفردية فمجال العمل الخيري، حيث قال غيتس باللي المؤسسة ديالو غادي تصرف ما تبقى من الثروة ديالو بشوية بشوية فمشاريع صحية وتعليمية عبر العالم، مع التركيز على التأثير اللي يبقى دايم فالقضايا الكبيرة اللي كيعاني منها العالم.

وبحسب التقديرات دابا، القيمة ديال التبرعات المباشرة غادي توصل لحوالي 107 مليار دولار، ويمكن تزيد مع نمو الاستثمارات ديالو. وهاد الالتزام هو ثاني أكبر مساهمة خيرية فالتاريخ، بعد الخطة ديال وارن بافيت اللي ممكن توصل حتى لـ159 مليار دولار.

وقال غيتس أن الهدف من تحديد هاد المدة الزمنية هو باش يضمن التأثير الكبير ويستغل الوقت قبل ما تضيع فرص التغيير، وقال أن “20 عام كتشكل توازن مناسب بين خلق تأثير فعّال وسدّ المؤسسة بطريقة منظمة”.