الرئيسية > تبركيك > قرن وهوما مقولبين.. أشهر وثيقة ديال “كَاليلي” عند جامعة ميريكانية طلعات فايك وغير مزورها واحد – تصويرة
19/08/2022 02:00 تبركيك

قرن وهوما مقولبين.. أشهر وثيقة ديال “كَاليلي” عند جامعة ميريكانية طلعات فايك وغير مزورها واحد – تصويرة

قرن وهوما مقولبين.. أشهر وثيقة ديال “كَاليلي” عند جامعة ميريكانية طلعات فايك وغير مزورها واحد – تصويرة

وكالات //

صدمة كبيرة نزلات على جامعة ميشيكَان الميريكانية بعدما اكتشافت أن أهم وأعظم وثيقة عندها فالمكتبة وهي “مخطوطة كَاليليو” مزورة بيد شخص طلياني كان معروف فالقرن اللي فات بارتكابه عمليات تزوير كثيرة.

جامعة ميشيكَان قالت أنها اكتشفت الأمر من بعدما داز على الوثيقة المذكورة قرن كامل، و”المخطوطة” اللي فيها صفحة واحدة وكانو كيضنو بللي كاتبها بيديه “كَاليليو كَاليلي”، عالم الفلك والفيزيائي والمهندس الطلياني الشهير، وكانت فيها ملاحظاتو لأقمار كوكب المشتري من عام 1610.

حقيقة التزوير اكتاشفها نيك وايلدنكَ، المؤرخ فجامعة ولاية جورجيا واللي هو خبير فكشف التزوير فوثائق ومخطوطات من هاد النوع، وسبق ليه وكشف على تزوير سابق لشي وحدة أخرى من الوثائق اللي كانو كيعتاقدو بللي ديال نفس العالم “كَاليليو”.

نيك وايلدنكَ اكتاشف الموضوع بالصدفة بعدما شاف تصويرة ديال الوثيقة فالأنترنيت، ولاحظ أنها مكتوبة بنفس المداد، واخا المعروف على المخطوطة أنها تكتبات على جزئين، فاصل بيناتهم شهر.

موضوعات أخرى

06/10/2022 21:30

طنجة كتوجد باش تبدا مشروع تحلية الما ديال البحر فمواجهة الخصاص الخطير فالما الصالح للشرب