وكالات//

البوليس في روسيا شدو واحد الكَروب ديال الدراري بعدما عيط ليهم شي واحد من الجيران وقال أنهم هازين كلاشينكوف.

الجيران شافو دراري لابسين الكحل وواقفين في الجردة، وملي جاو البوليس لي طيحو منهم النص لقاوهم كيشربو الكونياك من قرعة على شكل بندقية، ومكانو هازين لا سلاح لا والو.

الخلعة لي كانت شادة عناصر الحرس الوطني قلبوها ضحك واعتابرو الموقف غريب، ولكن دارو مخالفة ضد الدراري حيت كيشربو في مكان عام وحيدو ليها الشراب ديالهم.