كود سبور//
عبرت سكينة القرشاوي لاعبة المنتخب الفرنسي من أصول مغربية على افتخارها بالمغرب وأصولها المغربية، وأكدت أن المغرب تطور بزاف والمنتخب النسوي صبح مع المنتخبات الكبيرة عالميا، وأنها فرحانة وفخورة بهذا الشي.
وتحدثت سكينة قرشاوي بعد نهاية ماتش المغرب وفرنسا فثمن نهائي كأس العالم وقالت: “ماتش اليوم بمشاعر خاصة، كنبغي المغرب بزاف وكبرت معه ملي كنت صغير، ودابا كنشوفو فالمستوى العالمي، وكيتواجد مع المنتخبات الكبيرة، وهداشي زوين اللي دار المغرب فالكرة النسوية وأنا فخورة به”.
للإشارة، فنجمة باريس سان جيرمان الفرنسي سكينة قرشاوية اللي من أصول مغربية وكتلعب مع المنتخب الفرنسي، ما فرحاتش نهائيا بأهداف الفرنسيات على المنتخب المغربي، وراه دارت ماتش واعر وساهمت فالأهداف اللي تماركاو بأربعة، وهي اللي عطات أسيست الهدف الثاني.