الرئيسية > كود سبور > قربالة نايضة على تذاكر ماتش ليبيا.. ديال 30 درهم ب70 و50 ب150 والثمن غادي يزيد يرتفع
08/10/2019 12:30 كود سبور

قربالة نايضة على تذاكر ماتش ليبيا.. ديال 30 درهم ب70 و50 ب150 والثمن غادي يزيد يرتفع

قربالة نايضة على تذاكر ماتش ليبيا.. ديال 30 درهم ب70 و50 ب150 والثمن غادي يزيد يرتفع

كود سبور//

قربالة نايضة على “البيي” ديال ماتش ليبيا نهار الجمعة جاية بالملعب الشرفي فوجدة ضمن استعدادات المنتخب المغربي للاستحقاقات القادمة.

“البيي” تباعو بسرعة البارح الاثنين واليوم الثلاثاء وماشي بعيد تسالي غدا الأربعاء كاملة، وبالتالي إجراء هاد الماتش بشبابيك مغلقة.

عملية عرفت حضور الجمهور من مختلف المناطق ديال وحدة، الشيء لي خلا عدد كبير من “البيي” يتابعو فمارشي نوار.

الثمن طلع بزاف “البيي” ديال 30 وصلات ل70 درهم البيي ديال 50 وصلات 150. أما “البيي” ديال 100 درهم تباعت 250 درهم.

مصادر “كود” أكدت بلي الثمن غادي يرتفع بزاف فمارشي نوار، وتقدر توصل حتا ل300 درهم، حسب نفس المصدر.

الجماهير كتحضر بكري باش تاخد التيكيات ديالها وكترجع بحالها مع الواحدة بلا ما تاخد حتا تذكرة بسبب الزحام. كلشي باغي يتفرج فهاد الماتش.

الجامعة الملكية المغربية لكرة القدم دارت هاد الماتش في الملعب الشرفي بوجدة والمنتخب المحلي مع الجزائر في الملعب البلدي في بركان وماتش الگابون فطنجة.

موضوعات أخرى

20/10/2019 22:00

ولد “إل تشابو” أكبر بزناس فالعالم دار ليهم داكشي ديال “الجوكير”.. شدوه البوليس وصحابو ناضو حيحو فالزنقة والبوليس طلقوه – فيديو