وكالات//

طفى واحد الانقطاع المفاجئ ديال الضو ف البرلمان الأسترالي نهار الأربعا، ف واحد اللحظة الحسّاسة اللي كانت كتشهد نقاش سخون على مستقبل سياسات الطّاقة. تفاجّاو اللي حاضرين فقاعة الجلسات حيث غرقات فالظلام، فالوقت اللي كان وزير الصحة مارك باتلر غادي يجاوب على واحد السؤال البرلماني.
ما دازش هاد الحادث بلا بلاصتو، حيث ولات حالة ديال الارتباك، ودخلو نواب المعارضة كيشعلو ليمات ديال تيليفوناتهم، وبيناتهم بداو بعض الأطراف من حزب العمال كيتبادلُو الاتهامات مع المعارضة، ف مشهد موالفينش بيه داخل البرلمان.

هاد الانقطاع جا غير دقائق من بعد نقاش سخون على التزامات أستراليا باش تنقص من الاعتماد على الطاقات الأحفورية، وكانو النواب كيهضرو على التحوّل للطاقة النظيفة والتخلي على الغاز والوقود التقليدي، وسط انتقادات كتزاد للحكومة ف هاد الموضوع.
وفنفس الوقت، ما ضيّعوش المعارضين الفرصة يهاجمو وزير الطاقة والمناخ كريس بوين، واتّهموه بـ”التقصير” من بعد ما تسلّم رئاسة مؤتمر COP31، وذكّرو بفشل أستراليا ف استضافة مؤتمر 2026، وقاليك الحكومة ما عندهاش المصداقية ف هاد الملف المهم.