كود كازا ///

بيان لوزارة الشؤون الخارجية والتعاون الإفريقي والمغاربة المقيمين بالخارج خرج قبل قليل غريب وماشي ديبلوماسي. قاليك انو بسباب تطور جائحة كوفيد بجمهورية الصين الشعبية” وعلى “ضوء تطور الوضعية والاتصالات المنتظمة والمباشرة مع الصين، وقصد تفادي موجة جديدة من العدوى بالمغرب وكل تداعياتها، قررت السلطات المغربية منع جميع المسافرين القادمين من الصين، أيا كانت جنسيتهم، من الولوج إلى تراب المملكة”.

هاد القرار غادي يدخل حيز التنفيذ من 3 يناير 2023 اي لاربعا الجاية وما قالوش شحال مدتو.

البيان غير الديبلوماسي هادا بغى يقلل منو٬ زاد “هذا الإجراء الاستثنائي لا يؤثر بأي حال من الأحوال على الصداقة المتينة بين الشعبين، والشراكة الاستراتيجية بين البلدين التي تظل المملكة متشبثة بها بقوة”.

دابا دول اوربية بحال اسبانيا وفرانسا دارو قرارات احترازية ولكن ما سدوش على اللي جاي من الصين. دارو غير اللي دخل خاصو البي سي ار ويديرو ليه فالمطار تيست. علاش ما درناش بحالهم وتفادينا هاد الاحراج الديبلوماسي؟ سولو بوريطة

ثم كيفاش تمنع ناس جايين من الصين ودول اخرى تسمح ليهم يدخلو؟ مثلا ايلى كانو شي وحدين باغيين يدخلو للمغرب٬ يدوزو لاي دولة غريبة ويقطعو الطيارة ويدخلو. يعني قرار ما غادي يعاون فوالو الوضعية الوبائية فالمغرب.