الرئيسية > آش واقع > قرار فرتك وقفة عمال “ألزا”.. وUMT كتستعد لوقفة خرى مرخصة
15/10/2020 17:10 آش واقع

قرار فرتك وقفة عمال “ألزا”.. وUMT كتستعد لوقفة خرى مرخصة

قرار فرتك وقفة عمال “ألزا”.. وUMT كتستعد لوقفة خرى مرخصة

عفراء علوي محمدي- كود//

كان من المفروض، اليوم الخميس 15 أكتوبر، يديرو العمال المتقاعدين والأرامل ديال عمال شركة النقل الحضري “ألزا”، وقفة احتجاجية قدام مقر الإدارة العامة للشركة، فشارع بئر انزران فكازا، لكن بقرار عاملي تمنعات بسبب كورونا، واضطرو أنهم ياجلوها لوقت آخر.

العاملين، وخصوصا المتقاعدين والأرامل، بغاو يحتجو ضد الشركة بسبب تراجع مكتسباتهم الاجتماعية اللي انتزعوها منذ سنوات، والتنديد بالقرارات التعسفية التي اتخذتها الشركة، وعلى رأسها الحرمان من مجانية مكتسب التنقل عبر أسطول الشركة، والسحب التعسفي للبطاقة المجانية القديمة من المتقاعدين والأرامل، ومزايا اجتماعية أخرى تقدمها جمعية الأعمال الاجتماعية مابقاتش.

وكتستعد نقابة الاتحاد المغربي للشغل، اللي كينتميو ليها أغلب عمال الشركة، باش تدير وقفة فالايام جاية، لكن غتسبق الحصول على الترخيص قبل ما تعلن على تنظيمها.

موضوعات أخرى