كود علي الصافي لعيون ///
قبل اسابيع تسبب غباء وزير خارجيتنا المتعجرف ناصر بوريطة بخسارة للمغرب باش ربحات الجزائر منصب نائب مفوضية الاتحاد الافريقي اللي ربحات المرشحة المغربية لطيفة اخرباش. خرج بوريطة كيضحك على لمغاربة مرة اخرى باش يبرر فشلو وقال ليك راها خطة وباللي الاهم هو فوزحليف المغرب محمود علي يوسف بمنصب رئيس المفوضية.
كانت انتكاسة. جات بعدها انتكاسة اخرى واللي حاول البعض يتناساها. يتعلق الامر بقرار “طاس” اي المحكمة الرياضية الدولية، الاربعاء للي فات =26 فبراير 2025 = اللي حكمات فقضية اتحاد العاصمة الجزائري مع الاتحاد الأفريقية لكرة القدم ونادي نهضة بركان بسب دومي فينال النسخة الماضية من گاس الكونفدرالية الأفريقية.
الانتكاسة هو ان الحكم طلب تغيير تونيات نهضة بركان اللي فيهم خارطة المغرب كاملة. بررو هاد الشي باللي قضية الصحرا فالامم المتحدة مازالت ما تحسماتش. عتابرو التوني شعار سياسي.
حنا فالمغرب ركزنا غير على التأكيد على خسارة النادي الجزائري. لكن نهضة بركان باش لبسات التوني بالخارطة كانت عارفة تبعات قرار بحال هادا. راه ماشي الانتصار بوحدو اللي كان كيهم النادي.
دابا القرار ما خاصناش نستسلهوش او نميعوه كيف دار. راها ضربة.
