وكالات//

نايضة روينة في الهند بسباب واحد القضية جديدة عندها علاقة بالعلاقات الجنسية بين الرجل ومراتو.

على حساب ماقالت بزاف ديال التقارير الصحفية في الهند، فالمحكمة العليا ديال البلاد دارت واحد القرار جديد كتقول فيه أن العلاقات “غير الطبيعية” بين الراجل ومراتو ماشي اغتصاب.

هاد القضية تفركعات فين واحد المرا مشات رفعات دعوى ضد راجلها، كتقول فيها أنه مارس معاها الجنس بطريقة غير طبيعية، وعاودها بزاف ديال المرات.

ولكن القاضي ديال المحكمة، محكمش لصالحها فهاد القضية وقال بأنه يمكن للراجل ينعس مع مراتو كيفما بغا شريطة أن لمراة ميكونش عمرها قل من 15 عام.

واستاند القاضي في الحكم ديالو على قانون الاغتصاب وبالضبط المادة 375 من قانون العقوبات، لي كيقول أنه ماشي اغتصاب هذاك لي كاين بين المراة وراجلها إلى كان العمر ديالها كثر من 15 عام.