كود سبور//

غيوليو اللعابة دالرجاء الرياضي يديرو الكونسونطراسيون قبل كل ماتش فكازا، داخل أكاديمية النادي فبوسكورة فبلاصة ما يبقاو يمشيو كل مرة لشي وطيل.

وجهز المكتب المديري للرجاء الرياضي برئاسة محمد بودريقة، جناح فالاكاديمية ديال النادي فبوسكورة خاص بالفريق الأول، بمواصفات عالمية، باش يبقاو يدخلو له للتركيز قبل أي ماتش غيلعبوه فكازا.

هذا الإجراء اللي دار محمد بودريقة والمكتب المديري ديالو، غيخلي الفريق يوجد فأحسن الظروف الماتشات ديالو، خصوصا وأن الأكاديمية ولات واجدة باش تحتضن تداريب النسور، وحتى من ناحية المصاريف فالمبيت فالأكاديمية قبل كل ماتش غينقص من مصاريف الفندق المكلفة.