گود سبور//

تأهل منتخب إسبانيا إلى نصف نهائي كأس أوروبا 2024، بعدما ربح منتخب ألمانيا مستضيف البطولة وقصاه من ثمن النهائي.

وسالا الماتش بين الصبليون ولالمان بنتيجة 2 لواحد لمصلحة المنتخب الاسباني، وتسناو لاروخا حتى للشوط الثاني وبالضبط فالدقيقة 51، فين ضرب الاسباني داني أولمو الكورة للشبكة الالمانية بعدما عطاه لامين يامالا أسيست ديال الهدف، مع العلم هذا هو الاسيست الثالث ديال لامين يامالا فهاد النسخة، وخرج من الماتش ملي وصلت الدقيقة 62.

ومن وراها ضغطو ألمانيا بزاف وضيعو فرص وضربو الكورة فالبوطو، وقبل ما يجيبو التعدل بهدف ديال فلوريان فيرترز فالدقيقة 89، ومشاو المنتخبان بجوج يلعبو الأشواط الإضافية، وفاللحظات الاخيرة الشوط الاضافي الثاني خطفو الصبليرن الهدف الثاني ديال الرباح والتأهل بواسطة ميگيل ميرينو.

وبهذه النتيجة تأهلت إسبانيا إلى دومي فينال كاس أوروبا2024، وغاتلعب مع المتأهل من ربع النهائي بين فرنسا والبرتغال، امام ألمانيا مستضيفة البطولة ودعت المسابقة من ربع النهائي.

الماتش بين اسبانيا وألمانيا عرف اصابة بيدري لاعب لاروخا فالدقيقة 8 ومن بعد تأكد ان الاصابة ديالو صعيبة وما غايكملش كاس اوروبا، وهذا الماتش هو آخر ماتش للنجم الالماني توني كروس اللي صافي علق الصباط بصفة نهائية واعتزل كرة القدم، مع العلم ان المباراة تفرج فيها من المدرجات ادم ازنو الموهبة المغربية ديال بايرن ميونيخ الالماني، بأنفيطاسيون من الاتحاد الاسباني هو ووالديه، وهذا الشي بعدما كان رفض منتخب لاروخا وفضل يلعب مع المغرب.