كود سبور//

ضيع المنتخب الوطني المغربي للفتيان لقب كأس إفريقيا لأقل من 17 عام “الجزائر 2023″، بالشمتة بخسارة الفينال أمام منتخب السنغال اليوم الجمعة بملعب نيلسون مانديلا بالعاصمة الجزائر.

وكان المنتخب المغربي للفتيان متقدم بنتيجة واحد لزيرو على السنغال، وهو الهدف اللي ماركاه عبد الحميد آيت بودلال في الدقيقة 16، وفي الوقت اللي كان فيه كلشي كينتظر نهاية الماتش بفوز المغرب، قدرو السنغاليين يرجعو فالماتش بهدف التعادل اللي جابوه من بيلانتي جا بهفوة دفاعية ديال ايت بودلال اللي لمساتو الكرة فيديه، وماركات السنغال الهدف بواسطة فالو ديوف في الدقيقة 80، ومن خطأ ديال حارس مرمى ودفاع المنتخب المغربي قدر لاعب السنغال مامادو صافاني يستغل الفرصة وماركا الهدف الثاني.

وبهذه النتيجة قدر المنتخب السنغالي يتوج بلقب كأس إفريقيا لأقل من 17 عام، أما المنتخب المغربي فخذا وصافة البطولة وخرجو اللاعبين المغاربة بريوسهم مرفوعة، وهذا الشي قدام الناخب الوطني وليد الركراكي اللي حضر الماتش مع شكيب بنموسى وزير الرياضة.