الرئيسية > تبركيك > قتل مو وقطعها وشرب من دمها.. الحكم بالإعدام على “دراكولا الجزائر”
08/12/2023 01:00 تبركيك

قتل مو وقطعها وشرب من دمها.. الحكم بالإعدام على “دراكولا الجزائر”

قتل مو وقطعها وشرب من دمها.. الحكم بالإعدام على “دراكولا الجزائر”

وكالات//

حكمات محكمة الجنايات الابتدائية بمجلس قضاء وهران في الجزائر بالإعدام على واحد سماوه “دراكولا الجزائر” متهم بارتكاب جريمة ماطيحش على البال.

المحكمة أدانت “دراكولا” بعدما تبتات التهم الشنيعة لي منسوبة ليه وهي أنه قتل مو لي ولداتو وقطعها وشرب من دمها، فواحد الدوار ف وهران سميتو “دوار الماروك”.

الجريمة وقعات في يناير من عام 2022، فين غبرات الضحية لي كانت كبيرة ف العمر ومن بعد مدة من التقلاب لقاوها مدفونة فوسط دارها ولقاو آثار ديال الدم ديالها فحوايج ولدها.

من بعد قالت بنتها الكبيرة للبوليس أنها كانت عايشا مع ولدها (المتهم) وأنها كانت ديما كتتدابز معاه وكيهددها أنه غادي يقتلها إلى ماعطاهاش الفلوس.

لي زاد شكك البوليس فيه هو أنهم مالقاوش الذهب ديالها.

ومن بعد مدة ديال التقلاب لقاوه واعتارف أنه قتلها وقطعها وشرب من دمها، وقال أنه استعمل جنوي وفاس ومنشار ومقدة.

موضوعات أخرى

21/02/2024 19:50

المفتش العام للقوات المسلحة الملكية وقائد المنطقة الجنوبية تلاقى قائد القيادة الأمريكية ف إفريقيا  USAFRICOM (تصاور)

21/02/2024 19:00

بالنسبة للعيالات المغربيات الكاسك والتغوتينيت من اهم اختراعات لي خدمات تكافئ الفرص للمرأة مع الرجل من بعد أقراص منع الحمل طبعا

21/02/2024 18:31

سيدنا هضر بالصبليونية مع سانشيز.. وقالو: شحال هادي ماهضرت فالتليفون مع الملك فيليبي – فيديو

21/02/2024 17:46

البرلماني السابق الفايق تبلغ فحبس “راس الما” بقرار تجريدو من عضويته فمجلس النواب