وكالات//

علنو البوليس ديال ولاية تينيسي فميريكان أن واحد الطالب عندو 17 عام قتل واحد الطلابة فمدرسة وطالب آخر تصاب، ونتاحر في الأخير.

البوليس ديال ناشفيل نشرو  بيان فالسوشيال ميديا وقالو أن الطالب ضربهم بفردي فالكافيتيريا ديال المدرسة الثانوية. والطلقات جات في  بنت عندها 16 عام وقتلاتها، وجات ولد آخر عندو 17 عام فيديه.

البوليس قالو ان الشاب اللي دار الهجوم سميتو سولومون هندرسون، والبنت اللي ماتت سميتها جوسلين كوريا إسكالانتي. دابا حلات اونكيط باش تعرف شنو كان السبب ديال الهجوم.

المدرسة فيها تقريبا 2000 طالب، وهي فواحد المنطقة فجنوب شرق ناشفيل.

وهاد الحادث هو واحد من سلسلة ديال حوادث إطلاق النار فالمؤسسات التعليمية فميريكان فالعقود الأخيرة، ومن بعد عامين تقريبا من حادثة إطلاق النار فمدرسة مسيحية خاصة فناشفيل اللي مات فيها 3 تلاميذ و3 أساتذة.