وكالات//

جريمة خايبة وغريبة في نفس الوقت وقعات في باكستان، فين قتل واحد خونا صاحبو، حينت عض ليه من البورغر ديالو.

على حساب ما قال الموقع ديال قناة ARY News الباكستانية فهاد الجريمة وقعات في العاصمة كاراتشي، وجات بعدما دابزو هاد 2 صحاب حينت واحد كلا للآخر البورغر ديالو.

القناة قالت ان الدري لي مات، باه قاضي كبير والقاتل باه كوميسر كبير في باكستان.

الجريمة وقعات فدار الكوميسير، فين عرض ولدو على ولد القاضي ولكن فيت دابزو على البرغر بداو كيدابزو، ومن بعد مشا هز واحد الفردي وضربو بيه وقتلو في البلاصة.