وكالات//

علنات السلطات ديال الأردن أنها لقات 2 دالجثث ديال شابين تلفوا في الصحراء وماتو.

وقالت وزارة الداخلية في بيان ليها أن هاد الجوج ماتو في صحراء الجفر ولقاوهوم بعدما علنو العائلات ديالهم اختفاءهم قبل ساعات.

وأكدات كذلك أن لي ماتو سميتهم عناد أبوتايه وعناد الفتنه وكينتاميو لواحد القبيلة سميتها الحويطات، وكاينة في الجنوب ديال الأردن.

وماتو بعدما تلفو بالطوموبيل ديالهم وجاهم العطش، وحتى الريزو مكينش في ديك البلاصة باش يطلبو يعتقوهوم.

ودابا السلطات ديال الأردن حلو أونكيط باش يعرفو الملابسات ديال هاد القضية.