وكالات //

واحد القتال منوض الرعب بين السودانين، ومحير البوليس،مؤخرا، لي مزال ماقدروش يشدوه واخا مزال كيقتل فالناس.

على حساب تقارير دالصحافة فالسودان، فهاد القتال لي طلقو عليه لقب “أم صبة” قتل لحد الآن 3 دالناس في ولاية النيل الأبيض ف البلاد بنفس الطريقة.

هاد خونا كيغفل الناس لي ناعسين وللا لي فالمحلات ديالهم وكينزل عليهم بحجرة ولا شي حاجة قاسحة للراس ولا العنق حتى كيموتو وكيمشي.

المشكل أن البوليس مكيلقاو حتى دليل ولا بصمات، ف الوقت لي كيقولو فيه الناس أن هاد القتال هو واحد البسيكوباط هرب من الحبس ف الانقلاب الأخير.