وكالات//

كيديرو الناس ديال إندونيسيا واحد العادة غريبة بزاف قبل عيد الكبير بأيام قليلة، وهي أنهم كيديو البقارت لي غادي يدبحوهم للصالونات ديال التدليك.

هاد الصالونات، كيحلو خصيصا في يامات العواشر كل واحد كيدي البقرة ديالو لهاد الصالونات، وكيديهوم عند شي ناس متخصصين فهادشي.

ودخلات الوكالة الفرانساوية “أف ب” لواحد الصالون في العاصمة جاكارتا ودارت استجواب مع واحد من هاد المتخصصين في المساج ديال البقر.

وكيقول هاد السيد بللي هاد المساج كيعاون البقرة في أنها تكون مسترخية باش تكون على أتم الاستعداد النفسي والجسدي لأنها غتدبح في العيد الكبير.

وكيأكد كذلك أنهم كيديرو لي برودوي بحال لي كيديرو للبشر في المساجات ديالهم.