كود سبور//

نجح الدولي المغربي حمزة إيگمان، وقاد الفريق ديالو رينجرز لتحقيق الرباح على سيلتيك فالديربي، اليوم الاحد برسم الدورة 30 من البطولة الإسكتلندية.

وكانو الفراقي متعادلين بنتيجة 2-2، قبل ما يدخل حمزة إيگمان فالدقيقة 84، وقلب نتيجة الماتش لمصلحة رينجرز وماركا لهم الهدف الثالث ديال الرباح فالدقيقة 87.

ويعتبر حمزة ايگمان لاعب مهم ونقطة قوة لگلاسكو رينجرز الأسكتلندي فالموسم الأول له مع الفريق، وماركا لهم 10 الأهداف فـ26 ماتش فالبطولة.

وعيط الناخب الوطني وليد الركراكي على حمزة إيگمان للمنتخب الوطني المغربي فالماتشات الجوج اللي جايين ضد النيجر وتنزانيا برسم إقصائيات كاس العالم 2026، فبلاصة أيوب الكعبي اللي توعت.