گود سبور//

غايب الدولي المغربي نايف أگرد على الفريق ديالو ويستهام اليوم الاحد فماتش ضد نوتنگهام فورست ضمن منافسات بطولة النگليز.

وأعلن ويستهام على تشكيلة الفريق اللي غادي تلعب الماتش، ونايف أگرد ما كاينش لا مع الأساسيين اللي لاعبين ولا مع الاحتياطيين.

غياب نايف أگرد كايجي بالتزامن مع صراع بين سندرلاند النگليزي وأولمبيك مارسيليا الفرنسي، على الظفر بالخدمات ديالو، حسب ما قالت تقارير إعلامية أوروبية، ويقدر يمشي لواحد من هاد جوج فرق خلال الساعات القليلة المقبلة قبل نهاية الميركاتو الصيفي.

وللإشارة فنايف أگرد عيط عليه الناخب الوطني وليد الرگراگي لمواجهة كل النيجر وزامبيا يوم 5 و 8 شتنبر الجاي، ضمن اقصائيات كاس افريقيا 2026، وهو عنصر أساسي بالنسبة للمنتخب المغربي حاليا، مع العلم ان المنتخب كايعاني بزاف على مستوى الدفاع ومازال الرگراگي ما لقاش شي مدافع يلعبو مع أگرد وسط الدفاع.