كود سبور//
بدا الدولي المغربي نايف أگرد كايرجع النيفو ديالو، وهذا الشي بعدما انتقل لريال سوسيداد الإسباني جاي له من ويستهام النگليزي.
وبعد المستوى اللي قدم فماتش ريال سوسيداد ضد أتليتيكو مدريد، البارح السبت برسم الجولة 9 من منافسات بطولة الصبليون، اختار مؤشر “صوفاسكور” المتخصص فتقييم مستوى اللاعبين، (اختار) المدافع المغربي نايف أگرد ضمن أحسن تشكيلة للجولة بتنقيط 7.7، مع العلم أن الماتش بين ريال سوسيداد وأتليتيكو مدريد سالا بالتعادل الايجابي واحد لواحد.
ومن المنتظر يوصل نايف أگرد إلى معسكر المنتخب الوطني المغربي خلال الساعات المقبلة هو اللاعببن اللي عيط لهم الناخب الوطني وليد الركراكي، باش يدخلو معسكر إعدادي بمركز محمد السادس لكرة القدم، يوجدو فيه للجوج ماتشات ضد إفريقيا الوسطى يوم 12 و15 من هاد اكتوبر برسم الجولة 3 و4 من اقصائيات كأس إفريقيا.
