كود – عثمان الشرقي//

المؤثر العالمي IShowSpeed خرج لبارح من تيران مانديلا فدزاير قدزاير وهو معصّب، من بعد ما شيرو عليه الجماهير ديال اتحاد العاصمة بقراعي ديال الما، هاد الواقعة تصورات وتشنعات فالسوشيال ميديا، وخلات الضحك فدزيار، زيارة سبيد كانت داخلة فإطار جولة باغي يروّج بها للسياحة ويبيّن المؤهلات الثقافية والرياضية، قبل ما يتقلب كولشي لفوضى وروينة.

https://www.facebook.com/share/r/16wSNhF9W3/

حسب متابعين اللي وقع فملعب مانديلا ماشي حالة معزولة المسألة كتعكس واحد الحالة ديال “جوع تاريخي” باش يشوفو شي وجه عالمي هادشي كيوقع ملي كيعيشو ناس فبلاد فيها انغلاق شبه تام، وبالتالي وصول مؤثر عالمي كيولي حدث قومي، فالدول المنفتحة النجوم بحال  ”سبيد“ كيتعاملو معاه باهتمام عادي وبحدود معقولة، أما فدزاير تعاملو معاه بحال شي منقذ ولا شي مخلص جا من كوكب آخر.

سبيد براسو ما فهمش آش واقع، حيث جاي من عالم فيه المشاهير كيتعاملو بمسافة طبيعية. عكس الجزائر لي كتعيش هلوسة هيستيرية نتيجة احتقان اجتماعي وثقافي كبير، وأي حدث استثنائي كيتفجّر فيه الضغط بلا سباب.

الستريمر سبيد وصل المغرب لبارح بالليل باش يحضر لفينال الكان بين المغرب والسنغال وتستقبل بشكل عادي بحالو بحال جميع النجوم والمشهورين العالميين.