كود سبور//

كيزيد يتأكد بلي تألق المنتخب الوطني المغربي لأقل من 17 عام فمنافسات كأس العالم U17، ماشي صدفة ولكن هو نتيجة ديال خدمة وكيطبقوها الأشبال حاليا فالمسابقة اللي غيلعبو ثمن النهائي ديالها غدا الثلاثاء ضد إيران.

المنتخب الوطني المغربي لأقل منU17، كيتوفر إلى جانب منتخب البرازيل حامل اللقب على أحسن صانع ألعاب حتى لدابا فالنسخة الحالية ديال مونديال إندونيسياU17، من خلال اللاعب عبد الحميد معالي.

وتصدر عبر الحميد معالي النجم الصاعد لاتحاد طنجة، لائحة أحسن صانعي الألعاب فالدور الأول من مونديال أقل من 17 عام، إلى جانب البرازيلي استيفاوم، برصيد 3 تمريرات حاسمة مكمن من خلالها الزملاء ديالو من تسجيل أهداف فدور المجموعات.