گود سبور//

نايضة فالسنغال بسبب رفض الميريكان الفيزا لمجموعة من أعضاء الاتحاد السنغالي لكرة القدم، اللي بغاو يمشيو مع المنتخب السنغالي لمونديال 2026.

وحسب وسائل اعلام سنغالية، فسفارة الميريكان فالعاصمة السنغالية دكار رفضت تعطي فيزا 6 شهور لمسؤولين فالاتحاد السنغالي لكرة القدم، وهذا الشي قبل حوالي شهر من كاس العالم 2026.

ومن بين المسؤولين د الاتحاد السنغالي اللي ترفضت لهم فيزا د الميريكان، نائب رئيس الاتحاد السنغالي.

وكاتجي هاد الأخبار، بعد أيام قليلة من فضيحة تفرگعت فالسنغال بطلها رئيس الاتحاد السنغالي وشي وحدين معاه فالمكتب، اللي قصاو اعضاء اخرين معهم فنفس المكتب من بريمات كاس افريقيا 2025، وصرفوها الشي وحدين ما كانوش مع الوفد د المنتخب اللي كان فالبطولة.

أفادت التقارير أن سفارة الولايات المتحدة في داكار رفضت منح تأشيرات دخول لستة مسؤولين من الاتحاد السنغالي لكرة القدم قبل انطلاق بطولة كأس العالم 2026.