كود – كازا ///
ذكرات مواقع إخبارية، أن لاگوارديا سيپيل فميناء الجزيرة الخضراء حجزو أسطول من الطوموبيلات ديال اللوكس تسرقو فبلجيكا وكانو غاد يتهربو للمغرب، ويتعلق الأمر بـ7 ديال الطوموبيلات كانو في كونطونيرات موزعين على مرافق الميناء.
وتم اكتشاف هاذ الشحنة بعد شكوك فالوراق ديال طوموبيل عندها ماتريكيل هولندي، وبعد فحص دقيق للمستندات بالإضافة إلى التحليل الضريبي للبيانات تبين أنها طوموبيل جديدة غير مسجلة تسرقات فبلجيكا.
ومن بعد التحريات الإضافية ديال الحرس المدني، لقاو الطوموبيلات الآخرين فمرافق بمنطقة رسو السفن، وكانت جاهزة للتصدير إلى المغرب بوثائق مزورة وكشفت التحقيقات أن جميع المركبات تسرقات في بلجيكا وكتجاوز قيمتها السوقية 300000 يورو.
