الرئيسية > جورنالات بلادي > قايد لمعاريف جرا على مبارك بائع الجورنالات بسباب محمد السادس
03/10/2019 08:30 جورنالات بلادي

قايد لمعاريف جرا على مبارك بائع الجورنالات بسباب محمد السادس

قايد لمعاريف جرا على مبارك بائع الجورنالات بسباب محمد السادس

كود كازا ///

البارح الاربعاء 02 اكتوبر 2019 بدا يطيح الليل حط مبارك بائع الجورنالات حدا الصطاسيون فتقاطع الزرقطوني انفا فكازا الجرائد. بدا يبيع اعداد الصحف ديال الغد وهو يوقف عليه قايد لمعاريف وقال ليه “جمع كلشي وبعد راه سيدنا كاين”. منعو يبيع بسباب الملك. السيد ديما تماك صيف وشتا وسنوات وهادي. المصيبة ان الملك براسو كيدور معاه مرة كل عيد كبير باش يشري العيد ويعاود عائلتو.

والو القايد بغى بزز يقطع رزقو. السيد رجع اللاور لمدة وباش مشى رجع حط جورنالاتو. فين عايش هاد القايد. مالك اش دخلك فهاد الشي. علاش تحرم الجورنالات من البيع وتحرم مبارك من رزقو. راه كاع اللي فالدولة فالليل كيتقضاو من عندو وكيعرفوه ولا غير حرگرني عليه وصافي. هادا راه شطط كبير فاستعمال السلطة وحگرة. زهرك طحتي مع مبارك ضريف ولا كون كان ليك اخر نهار فالخدمة.

موضوعات أخرى