الرئيسية > آراء > قاليك الحولي ماعندو مايدير لصحاب السكار و”الأطباء كيضحكو عليكم”.. ردو البال من تعليمات الفايد على عيد الكبير.. فيها مغالطات غتخرج على صحة الناس وتقدر تقتلهم – فيديو
31/07/2020 14:00 آراء

قاليك الحولي ماعندو مايدير لصحاب السكار و”الأطباء كيضحكو عليكم”.. ردو البال من تعليمات الفايد على عيد الكبير.. فيها مغالطات غتخرج على صحة الناس وتقدر تقتلهم – فيديو

قاليك الحولي ماعندو مايدير لصحاب السكار و”الأطباء كيضحكو عليكم”.. ردو البال من تعليمات الفايد على عيد الكبير.. فيها مغالطات غتخرج على صحة الناس وتقدر تقتلهم – فيديو

عفراء علوي محمدي- كود//

الفايد أكبر مخربق على وجه الأرض، ومتيق راسو مسكين، واحد الفيديو الناس كيبارطاجيوه على نطاق واسع على مواقع التواصل الاجتماعي هذ الأيام ماشي غير تخربيقة وصافي، لكن ممكن اللي نفذ التعليمات اللي فيه يخرج على صحتو بالمزيان، وخصوصا الناس اللي كيضرهم لحم الغنمي، بحال اللي كيعانيو من زيادة نسبة الكولسترول فالدم، واللي فيهم السكر واللي عندهم بعض أمراض القلب.

الفايد ضرب كَاع القوانين العلمية والطبية فالزيرو، وقليك “نصيحة الطبيب ماشي فتوى”، على اعتبار أن نصيحتو هو “فتوى” واقيلا، السيد قاليك حقا والواد “اللحم دالحولي مشرعو الله وواخا يكون فيك السكرغيركولو وأنت مغمض عينيك”.. السيد كيبان واثق من نفسو، ومعصب، وبغا يفرض رأيو صحا، الراي اللي ممكن يخرج على العشرات دالناس اللي متبعينو : “الأطباء اللي كيقولو ليكم ماتاكلوش الغنمي كيضحكو عليكم، واللي شرا العتروس كنقول ليه يمشييردو دابا ويشري الحولي، حيت بالحولي كتستكم السنة المؤكدة”.

نهار الخميس ماتعطيوش العلف الحولي ???? هاد الفيديو جا في لوقت الموناسيب العيد إن شاء الله غادي يكون نهار جمعة.دكتور محمد…

Publiée par ‎معلومة‎ sur Vendredi 24 juillet 2020

والتبرير ديال الفايد لهذ الكلام غير المنطقي هو أن العلم ماكيتلاقاش مع الدين، وداكشي اللي فالدين هو سليم وصحيح وصالح لأي واحد كيفما كان النوع ديالو أو المرض ديالو، ولحم الحولي ماكيضرش، كيقول “العيد ماداخلش فالعلم، المعجزات مكيتفسروش بالعلم، وعيد بالعتروس هذيك نصيحة أكل عليها الدهر وشرب، لا عيد على كبش.. حيت الطب مكيدخلش فالشعيرة الدينية.. الطب كيبقى فالصبيطارات، لا بالسكر لا بأمراض القلب والشرايين، الانسان خاص يذبح باش يستوقي السنة المؤكدة.. والسكر ما عندو حتى علاقة بهذشي..”

المشكل أن السيد مكاملاش دقيقة باش قال بللي العلم مكيتلاقاش مع الدين.. وهو يرجع تاني يقليك لاواه “شي علماء لقاو بللي اللحم ماشي صحي يطيب فالدقة اللولة وخاص تتسنى عليه القليلة ستة دالسوايع.. وهذشي اللي كان كيدير الرسول.. كيذبح وياكل الأعضاء الداخلية فقط ويخلي اللحم..” ورجع قال عوتاني بللي العلماء “دارو تجربة باش يبينو الفرق بين الحيوان اللي مذبوح بالطريقة الإسلامية، والحيوان اللي نذبوح بالطريقة الغربية، وبينو باللي اللول حسن كيف قال، وهذا كيدل على أن الفايد متناقض غير مع راسو وكيقول الحاجة والعكس ديالها فنفس اللحظة..

ومعروف بللي لحم الغنمي مضر بزاف لبزاف ديال الناس والحالات، اللي خاصها تتجنبو ما أمكن، تاكل منو غير شوية او تقطعو كَاع، بحال ارتفاع ضغط الدم والكوليسترول والقلب والسكري ومرضى ارتفاع حمض اليوريك، وبالتالي فنصيحة الناس بتناول هذ اللحم، بالعيد ولا بلا عيد، هو مراهنة كبيرة على صحتهم، بحيث هذ المادة الغذائية اللي كتحتوي على نسبة كبيرة من الذهون تقدر تتسبب ليهم فمضاعفات مرضية خطيرة.. وتقدر تقتلهم كَاع فبعض الحالات.

موضوعات أخرى

14/08/2020 13:30

العلاقات الإماراتية الإسرائيلية الجديدة.. بنعبد الله لـ”كود”: هاد الخطوة مغادي تجيب حتى شي إضافة إيجابية لإقرار الحقوق المشروعة للشعب الفلسطيني

14/08/2020 12:30

مستشفى “عمر الإدريسي” بفاس رجع بؤرة د”كورونا” واكثر من 20 إصابة تسجلات فقل من أسبوعين وصورة حصرية كتبيّن الاستهتار اللّي كاين