كريم الصوفي – كود//

[email protected]

قالت مواقع إخبارية، أن شيفورة ديال طاكسي فمدينة برشلونة تقدمات، مؤخرا، بشكاية عند الشرطة المحلية ضد كليان مغربي ركب معها باش توصلو لواحد الأوطيل، لكن المعني بالأمر غير ركب وقلبها عادة سرية فالكوسان لوراني.

وحسب شريط فيديو كيوثق لهاد الواقعة، دارت الشيفورة فهاد الكليان وشبعات فيه سبان وخبراتو بأن كلشي مصور وقالت ليه يخرج يمشي فحالو. وكملات طريقها للكوميسارية وتقدمت بشكوى باعتبارها ضحية مخالفة إدارية ضد الحرية الجنسية وقدمات  بعض الصور من الكاميرا كدليل على ما حدث.