سعيد بوناصر – كود //

قالت مصادر مطلعة، بأن واحد العضو من بين المنتخبين اللي طلعو أول مرة للمجلسين البلدي والإقليمي ديال اناظور، واللي هو رجل الأعمال فيصل أبرشان، قرر ينساحب من هاد المؤسستين بجوج، بسبب أنه مالقاش طريقة واستراتيجية العمل اللي ترضيه.

ورجع المستشار المذكور سبب إعلانو على الاستقالة ديالو من المجلسين، للظروف اللي ولات كتعيشها المؤسستين، واللي ماغاتخليهومش يديرو خدمتهم بشكل المطلوب.

وأكد فيصل، على أنه تصدم من المستوى اللي وصلاتلو الكتل السياسية فلمدينة، وبلي ماكانش كيتصور حجم الصراعات بين المنتخبين، الشي اللي ماغيخلي حتى حاجة اللي فمصلحة المواطن تتقضى على حقها وطريقها.