كود سبور//
كشف الإعلام الإيطالي أن إدواردو بوف، لاعب فيورنتنيا الإيطالي فاق اليوم الاثنين من الغيبوبة، والحالة ديالو مستقرة، بعدما طاح فالتيران فالماتش ضد إنتر ميلان فبطولة الطاليان البارح الاحد وهزوه للسبتار باش يعتقوه.
وكشفت جريدة “لاگازيتا دي لو سبورت” الإيطالية، أن اللاعب الشاب إدواردو بوف، لي كاين فالسبيطار فاق هاد الصباح ولقى صاحبتو ووالديه حداه وحتى مدرب فيورنتينا بالادينيو، وقالهم “أنا بخير”.
وحسب نفس المصدر، فاللاعب مول 22 عام، جاوب على شي أسئلة وجههم له الطبيب باش يعرفو واش هو مدرك لشنو كايعيش وكايقول ما بعد الحادث، ومازال غايخضع لاختبارات وفحوصات طبية صارمة باش يعرفو الحالة الصحية ديالو كثر وشنو عندو بالضبط.