الرئيسية > ميديا وثقافة > قالت أن الريسوني ماعيطلهاش وتقطعات خبارو.. إدارة عكاشة جاوبات مرات الصحفي المعتقل: هو اللي رفض يعيط لعائلتو جوج مرات
15/05/2021 19:00 ميديا وثقافة

قالت أن الريسوني ماعيطلهاش وتقطعات خبارو.. إدارة عكاشة جاوبات مرات الصحفي المعتقل: هو اللي رفض يعيط لعائلتو جوج مرات

قالت أن الريسوني ماعيطلهاش وتقطعات خبارو.. إدارة عكاشة جاوبات مرات الصحفي المعتقل: هو اللي رفض يعيط لعائلتو جوج مرات

كود كازا//

كشفات إدارة السجن المحلي عين السبع 1 (عكاشة)، أن الصحافي المعتقل سليمان الريسوني هو اللي مابغاش يعيط لعائلتو جوج مرات.

وزادت الإدارة، فبيان ليها صدراتو اليوم السبت، ردا على تدوينة دارتها مراتو خلود المختاري ففيسبوك كتقول فيها أنه تمنع من الاتصال بعائلتو عبر الهاتف، أن الريسوني “هو اللي مابغاش يتصل بعائلتو جوج مرات، بتاريخ 14 ماي و15 ماي، واخا تعطى ليه الفيكس ديال الحبس، وقرارو هذا ماعند إدارة الحبس حتى علاقة بيه.

وبالنسبة لمنع مراتو من إدخال المواد له في إطار الترخيص الاستثنائي للقفة بمناسبة عيد الفطر، كشف البيان أن مراتو جات خارج الأجل المحدد، وفقا للتنظيم المعمول به خلال هذ المناسبة الدينية، خصوصا وأن ديك المواد متوفرة فحانوت الحبس بإمكان الريسوني يستفد منها.

وقالت إدارة الحبس أن مرات الريسوتي وشي أفراد من عائلتو كيروجو الأكاذيب عبر مواقع التواصل الاجتماعي “بغية التدليس ولفت الانتباه”، حسب تعبيرها.

ولبارح نشرات مرات الريسوني تدوينة كتقول فيها أنها ماهضراتش مع الريسوني فالتيليفون، وأن إدارة الحبس مابغاوش يدخلو القفة لسليمان، اللي فيها التمر والعسل الطبيعي، واللي جابتهم ليه خوفا على حياتو بسبب إضرابو عن الطعام، واخا هو مابغاهمش وبغا غير شوية دالفلوس باش يشري الما.

https://m.facebook.com/story.php?story_fbid=945701596231393&id=100023746840914

موضوعات أخرى

13/06/2021 20:00

“لارام” بدات تنزيل تعليمات الملك بخصوص تسهيل عودة مغاربة الخارج بأثمنة مناسبة.. طلقات عملية استثنائية خصصات ليها 3 ملايين مقعد