وكالات //

فآخر مراحل التقاضي، حكم قاضي بريطاني ضد حاكم دبي الشيخ محمد بن راشد آل مكتوم، فلافير ديالو مع مراتو السابقة الأميرة هيا بنت الحسين.

القاضي قال بأن الأمير كان كيتعامل خايب مع مراتو بزاف، وفي الأخير قرر (القاضي) يعطيها حق الحضانة ديال ولادها بجوج ليها وحدها.

وقررت المحكمة أيضا باش يعطي الأمير ديال دبي لمراتو، اللي هي الأخت غير الشقيقة لملك الأردن، تعويض ديال 554 مليون جنيه إسترليني يعني حوالي 700 مليون دولار.