وكالات//

علن وزير النقل المصري، كامل الوزير، أنه عزل واحد المسؤول من الخدمة، وداك الشي كان خلال واحد اللقاء تلفزيوني مباشر.

الوزير قال بللي هاد القرار جا حيث المسؤول تغيب وما مشاش يوقّع على بروتوكول تعاون مهم، وما دارش شي حد لي عوّضو يدير المهمة فبلاصتو، واعتبر هاد الشي تقصير فالمسؤولية ديالو.

وزاد الوزير وأكد على أن الالتزام والانضباط فـ الخدمة ضروري، وقال بللي أي مسؤول بغا ياخد عطلة خاصو يبلغ بها من قبل.

وأوضح بللي داك المسؤول كان خاصو يكون مع الفريق، ولكن ما جاش، وهاد الغياب خلا الوزارة تقرر تفصله من الخدمة.

هاد الإعلان دار ضجة فالسوشيال ميديا، والناس بداو كيتناقلو مقاطع من داك اللقاء، وبزاف أشادو بصرامة الوزير فتعاملو مع التقصير الإداري.