الرئيسية > آراء > في ظل غياب سيكس شوب فكاع المدن فالمغرب كيبقى المكان الوحيد لي يمكن تتقدى منو ألعاب جنسية هو الدروكري ( عقاقير تافراوت)
25/07/2020 15:00 آراء

في ظل غياب سيكس شوب فكاع المدن فالمغرب كيبقى المكان الوحيد لي يمكن تتقدى منو ألعاب جنسية هو الدروكري ( عقاقير تافراوت)

في ظل غياب سيكس شوب فكاع المدن فالمغرب كيبقى المكان الوحيد لي يمكن تتقدى منو ألعاب جنسية هو الدروكري ( عقاقير تافراوت)

محمد سقراط-كود///

في ظل غياب سيكس شوب فكاع المدن فالمغرب كيبقى المكان الوحيد لي يمكن تتقدى منو ألعاب جنسية هو الدروكري (عقاقير تافراوت)، وهذا ماشي المجال الوحيد لي المستهلك المغربي كيعاني نقص كبير في المنتوجات ديالو، أصلا المغاربة شعب معروف بديباناج، ومكاين غير سلك وقضي وعدي، إذن مكاين لاش نضحكو على جوج قاضيين بلي كاين ومصورين فيديو ديال الفلاقة بالخاطر بيناتهم، ومكاين لاش ديك الهدرة ديال لا حاكا راه رابطها بخيط ديال النشير لاواه السمطة ديال ستمية، وبنادم مالاقي مايربط من غير يديه يطاشيها باش يجيبو، مادام الهدف هو المتعة فراه باش ماقضيتي غرض ووصلتي ليها فراه حققتي الغاية، حيت الواقع بعيد على إنستغرام، الواقع فيه غير الكوردات والسماطي والمخاد مكلكين ديال البرطمات دالكرى.

جوج ديال الناس صورو راسهم كيمارسو الجنس وحطوها في الأنترنيت أو تسرب ليهم، ماشي من حق الدولة أنها تشدهم أو تتدخل فيهم، في حالة كانو حطوه فشي موقع ديال البورنو ودخلو منو صريف داك الساعة من حق الدولة تتدخل وتاخد الضريبة ديالها، أما جوج مصورين فيديو وحطوه في الأنترنيت بالتراضي فراه ماشي من حق الدولة تتدخل نهائيا، أصلا باركة من تنميط المغاربة وجعلهم نسخ من بعضياتهم بزز وبالقانون، وفاللخر تطلب الدولة منهم التحلي بالمسؤولية الفردية وهي عمرها سمحات بيها أو عززاتها فيهم، بل كانت حريصة من ديما لجعل المغاربة نسخ من بعضياتهم.

ولكن في حالة كان الهدف من تسريب الفيديو للأنترنيت هو التشهير، وإستخدموا طرف ضد للآخر من أجل إلحاق الضرر بيه داك الساعة خاص يتشد لي حط الفيديو، الموشكيل حتى البيان ديال البوليس مكتوب بصيغة قديمة بزاف قبل عصر ابو نواس، لا حاكا شخص يظهر تورطه يعرض سيدة للإعتداء الجسدي، والله يهديكم البوليس داكشي ماشي اعتداء جسدي وهاداك الفيديو مافيهش طرف كيعذب آخر، فيه جوج ديال الناس كيمارسو الجنس بطريقة الحلقة ديال الشلح والعروبي في جامع لفنا، جوج ديال الناس راشدين بالغين عندهم ميول لسادومازوشيزم ملاقيين في حب الفلاقة الله يسهل عليهم، مكاين لا تعذيب لا والو، ولكن للأسف المغرب هذا بما أن الماتريال مشري من عند الدروكري عوض السيكس شوب توقع عادي جدا أنهم يسميو الجنس بالتراضي مع شوية ديال لعصا والربيط بالتعذيب.

موضوعات أخرى

15/08/2020 20:00

واش لعاب الوداد اسماعيل الحداد كانت فيه كورونا نهار ماتش خريبكة؟ تحليلة اللعاب اللي شافتها “كود” كانت سلبية ولعابة الفرقة لحد الان ما تصاب حتى حد من غير 3 اللي تعلن عليهم قبل

15/08/2020 19:30

نايضة فجماعة الحسيمة بسباب موقع البلدية الإلكتروني.. المعارضة كتطالب بالكشف على تكلفتو المالية السنوية والرئيس بودرا لـ”كود”: المجلس كيصادق على ميزانيتو بالإجماع فأكتوبر.. والموقع خدام مزيان وكيواكب كَاع أنشطة البلدية

15/08/2020 19:00

رباب ازماني مرات فريد غنام قصفات المتخلفين اللي سبوها بسباب لباسها: تربيت فبيئة نقية وكبرت متصالحة مع نفسي.. وكنشفق على هذ الناس اللي معذبين فالدنيا ولاخرة

15/08/2020 18:50

تفاصيل على “لاكارط ناسيونال” الإلكترونية.. ها كيفاش دايرة ويستحيل تتزوّر وها الأهمة ديالها واللّي بغاها ها شنو خاص يدير

15/08/2020 17:51

روكور جديد فهاد 24 ساعة.. 1776 مغربي تصابو بكورونا و21 ماتو و922 تشافاو.. الطوطال: 41017 مصاب و632 متوفي و28566 متعافي و11819 كيتعالجو