وكالات//
بداو التصاور ديال المغني الكندي المشهور جاستن بيبر كتدور بزاف هاد الأيام في الوقت لي بانت فيه سميتو في القضية لي تفركعات ديال صاحبو الرابور “ديدي”.
وبان بيبر لابس الكوفية الفلسطينية فوق راسو، وهو خارج من أوطيل “شاتو مارمون” في لوس أنجلوس، في الوقت لي كيفضل فيه يسكت فوسط هاد الحرب لي نايضة على صاحبو.
وتسببات هاد الصور الأخيرة ديال بيبر فحالة من القلق والخوف من المحبين ديالو، حينت بان رقيق بزاف ووجهو شاحب، وهو شي لي خلا بزاف ديال الناس يقولو أن السبب هو القضية ديال صاحبو “ديدي”.
وباش نذكرو راه الرابور العالمي المشهور “ديدي” متهم بتهم الابتزاز والاغتصاب و120 واحد قدمو بيه شكاية، منهم دراري صغار.