وكالات //
اكدات صفحات “السترات الصفراء” على “الفايسبوك” انهم غادي ينظمو تجمعات وتظاهرات “سلمية ومعلن عنها”، في باريس وروان وليل وتولوز وفالونس وغيرها، اليوم السبت، باش يدعمو المتظاهرين الجرحى، اللي غادي يكون وحدين منهم على راس التظاهرات.
ومن بين شعارات المسيرة: “العدالة للجرحى، تكريم الضحايا، وحظر استخدام القنابل اليدوية والفلاش بول”.
ونشرات صفحات “الفايسبوك”، التابعة لـ” السترات الصفراء” نداء حطو إيريك درووي، واحد من وجوه الحراك، في فيديو، طالب فيه المتظاهرين باش يجيو مقنعين بحال جرحى، وفوق عينيهم فاصمات، وجيلياتهم الصفرا ملطخة بصباغة حمرة زعما بحال الدم.
