كود – وكالات//

شحال من مرة قلتي “صافي قلبي تفركع” ولا “مبقيتش قادرة نتنفس” مني كيسمح فيك حب قلبك، ولا فاش يموت ليك شي حد عزيز، ولا فاش غدرك أقرب الناس ليك؟
هادشي ماشي غير هدرة ديال الأغاني ودراما ديال الأفلام ،الصدمة العاطفية “سم” حقيقي كيتفرز فالذات.

هاد الموجة ديال هرمونات التوتر (الأدرينالين) كتمشي نيشان لقلبك وتخنق العضلة ديالو، وكتخليه يتشل ويحبس  الخدمة بحال يلا جاتك نوبة قلبية .

الخبر اللي غايصدمك هو أن هاد “القلب المهرس” عندو قدرة عجيبة باش يتجمع ويتجبر بوحدو، العضلة كترجع لوعيها في ظرف أسابيع قليلة وكيبرا  بلا ما يخلي أثر. ولكن، هاد المعجزة ما كتوقعش يلا بقيتي ساد على راسك مكمدها في قلبك.

القلب كيتجبر ملي كتواجه الصدمة، ملي كتغوت، وتخرج داكشي لي فيك ،وملي كتفهم باللي حتى حاجة ما تستاهل توقف ليك قلبك

داكشي علاش غاليوم العالمي للقلب، كيوصيو الأطبا ان القلب ما مكيتحماش غير بلصال والماكلة المصلوقة.

الحماية الحقيقية هي تحمي قلبك من الأزمات وتصمكها عليه ،ويلا  حسيتي بقلبك تزير عليك وتخنقتي ومقادتيش تجر النفس قصد السبيطا دغيا حيث حياتك هي الأولى.